وزارت خارجه طالبان، روز شنبه ۵ فروردین، اعلام کرد که هیئتی از این وزارتخانه به تاجیکستان سفر کرده و از کنسولگری افغانستان در شهر خاروغ، مرکز استان بدخشان تاجیکستان دیدن کرده است.

ساختمان کنسولگری افغانستان در مرکز استان خودمختار بدخشان در تاجیکستان اواسط اسفند در نتیجه ریزش بهمن آسیب دیده بود. در بیانیه وزارت خارجه طالبان آمده است که حاجی محمد موسی امیری، رئیس مالی و اداری وزارت خارجه، در راس هیئت این گروه در سفر به تاجیکستان قرار داشته است.

وزارت خارجه طالبان مدعی شد که هیئت اعزامی ضمن ارزیابی امور کنسولگری، آسیب‌های وارد شده در اثر بهمن به ساختمان سفارت را از نزدیک مشاهده و ارزیابی کردند و نتایج ارزیابی را با رهبری وزارت خارجه به اشتراک گذاشتند.

در میان کشورهای همسایه افغانستان، تاجیکستان تنها کشوری است که تا‌‌کنون روابط رسمی دیپلماتیک با طالبان برقرار نکرده است.

سفارت افغانستان در تاجیکستان را ظاهر اغبر، عضو جبهه مقاومت ملی افغانستان اداره می‌کند و تا‌کنون به ادعای طالبان واکنش رسمی نشان نداده است. وزارت خارجه طالبان در نامه‌ای که حدود دو ماه قبل به سفارت افغانستان در دوشنبه ارسال شد، ظاهر اغبر را از مقام سفارت افغانستان برکنار کرد و فرد دیگری از میان کارمندان سفارت را به‌جای او منصوب کرد. وزارت خارجه طالبان همچنین افرادی را به‌عنوان کنسول، معاون سفیر و مسئول اداری سفارت گماشت، اما ظاهر اغبر با رد نامه طالبان، به کارش به‌عنوان سفیر افغانستان در دوشنبه ادامه داده است.

اغبر حدود یک‌سال قبل در مصاحبه با ایندیپندنت فارسی گفت رژیم طالبان و وزارت خارجه این گروه را به رسمیت نمی‌شناسد و از دستورهای آنان پیروی نمی‌کند.

با این حال، یک منبع آگاه به ایندیپندنت فارسی گفت ادعای طالبان در‌مورد اعزام هیئت به تاجیکستان حقیقت ندارد. به گفته این منبع آگاه، یک نفر از گروه طالبان به استان بدخشان تاجیکستان سفر کرده بود و می‌خواست از ساختمان کنسولگری دیدن کند، اما به او اجازه ورود به ساختمان داده نشد. تا‌کنون مشخص نیست که عضو طالبان چگونه اجازه حضور در خاک تاجیکستان را دریافت کرده است.

دولت تاجیکستان که پیش از این گفته بود رژیم طالبان را تا شکل‌گیری دولت فراگیر در افغانستان به رسمیت نمی‌شناسد، تا‌کنون در‌مورد ادعای طالبان مبنی بر اعزام هیئتی به بدخشان واکنش نشان نداده است.

طالبان اخیرا کنترل سفارت و کنسولگری‌های افغانستان در ایران را به دست گرفتند و دیپلمات‌های این گروه در کشورهای امارات متحده عربی، چین، پاکستان، ترکیه، قطر، ازبکستان، ترکمنستان، روسیه و قزاقستان نیز حضور دارند.

پیش از این، برخی اعضای طالبان دولت تاجیکستان را به حمایت از جبهه مقاومت ملی افغانستان متهم کردند و هشدار دادند که ادامه این کار به واکنش این گروه منجر خواهد شد. دولت تاجیکستان نیز طالبان را به حمایت از گروه تروریستی جماعت انصارالله که به طالبان تاجیک نیز مشهورند، متهم می‌کند. اعضای این گروه به رهبری مهدی ارسلان، شهروند تاجیکستان، در شهرستان‌های استان بدخشان افغانستان که در مرز با تاجیکستان قرار دارند مستقر شده‌اند.